Исроил терма жамоаси футболчилари Миллатлар лигаси доирасида Шотландияга қарши ўйин олдидан совуқдан азият чекаётган болаларга раҳмдиллик қилишди.
Мадҳия куйланаётган вақтда болаларнинг совуқ қотганини сезган деярли барча исроиллик футболчилар машғулотда фойдаланадиган иссиқ кийимларини ечиб болаларга кийдириб қўйишди.
Сўнгги ҳафта фақатгина исроиллик футболчилар меҳрибончилик билан чекланмади. Масалан: Голландиянинг Францияга қарши ўйини (2:0) олдидан “Ливерпуль” ҳимоячиси Виржил ван Дейк у билан бирга майдонга чиқиб келган қизалоққа устидаги иссиқ киймини тақдим этди.
Виллиан эса Камерун билан ўйин (1:0) олдидан ушбу “бахтли” йигитчани совуқдан асради.
