Squawka портали УЕФА миллатлар лигаси мусобақасининг рамзий терма жамоасини эълон қилди. Рамзий жамоа 4-3-3 тактик схемаси асосида тузилган.
Ушбу жамоага Голландия термасининг 5 нафар футболчиси киритилган бўлса, Англиянинг 3 футболчиси ўрин олган. Шунингдек, Португалия терма жамоасидан икки ва Швейцариянинг бир футболчиси рамзий жамоадан ўрин олди.
Дарвозадан Руи Патрисиу (Португалия) ўрин олди. Мудофаа чизиғи 3 нафар голланд ва бир нафар инглиз футболчисига ишониб топширилди. Ярим ҳимояга Бернарду Силва (Португалия), де Йонг, Вейналдум (иккиси — Голландия) жойлаштирилган бўлса, ҳужум учлигини Рэшфорд, Стерлинг (иккиси — Англия), Сеферович (Швейцария) ташкил қилди.
