Европа чемпионлар лигасининг 5-турида “Манчестер Сити” мураббийларига “Лион” ярим ҳимоячиси Уссем Ауарнинг ўйин ёқди.
20 ёшли футболчи майдонда 90 дақиқа ҳаракат қилди. Ўйиндан сўнг Пеп Гвардиола узоқ вақт давомида Ауар билан суҳбатлашди ва уни муваффақиятли ўтган ўйин билан табриклади деб хабар беради Get French Football News нашри.
“Уссем Ауар жуда яхши футболчи. Биз Ндомбеле ҳақида кўп муҳокама қиламиз, лекин Ауар ҳам кучли футболчи. У тўп билан яхши муоммила қилади ва маҳоратли футболчи”, - дейди Гвардила.
Ўйин сўнггида Гвардиола ёрдамчиси Микель Артета ҳам Ауар билан суҳбат қурди.
Маълумот учун, Ауар Франция чемпионатининг 14-туридан кейин 5 та гол урди.
