«Манчестер Юнайтед» клубида навбатдаги «таркибни тозалаш» ишлари режалаштирилмоқда. Клуб раҳбарияти иш ҳақи фондини енгиллатиш мақсадида узоқ муддатли режаларга кирмайдиган футболчилардан воз кечмоқчи.
Ёзда Каземиро эркин агент сифатида жамоани тарк этади. Бундан ташқари, Transfer News Live нашрининг Express’га таяниб хабар беришича, «қизил иблислар» Маркус Рэшфорд, Расмус Хёйлунд, Жейдон Санчо, Тирелл Маласиа, Андре Онана, Олтой Байиндир, Радек Витек, Мануэль Угарте, Тайлер Фредриксон, Тоби Коллайер ва Дэн Гор билан хайрлашиш ниятида.
Айни дамда «МЮ» Премьер-лига турнир жадвалида учинчи ўринни эгаллаб турибди. Душанба куни Майкл Кэррик шогирдлари ўз майдонида «Брентфорд»ни қабул қилади.













