«Manchester Yunayted» klubida navbatdagi «tarkibni tozalash» ishlari rejalashtirilmoqda. Klub rahbariyati ish haqi fondini yengillatish maqsadida uzoq muddatli rejalarga kirmaydigan futbolchilardan voz kechmoqchi.

Yozda Kazemiro erkin agent sifatida jamoani tark etadi. Bundan tashqari, Transfer News Live nashrining Express’ga tayanib xabar berishicha, «qizil iblislar» Markus Reshford, Rasmus Xyoylund, Jeydon Sancho, Tirell Malasia, Andre Onana, Oltoy Bayindir, Radek Vitek, Manuel Ugarte, Tayler Fredrikson, Tobi Kollayer va Den Gor bilan xayrlashish niyatida.

Ayni damda «MYU» Premyer-liga turnir jadvalida uchinchi o‘rinni egallab turibdi. Dushanba kuni Maykl Kerrik shogirdlari o‘z maydonida «Brentford»ni qabul qiladi.