«Челси» ҳужумчиси Жоао Педро фаолиятини Испания чемпионатида давом эттириши мумкин. Fichajes нашри маълумотларига кўра, «Барселона» форвардни ўз сафига қўшиб олишдан манфаатдор. Каталония клуби ёзги трансфер ойнасида бразилиялик футболчини сотиб олишга уриниб кўрмоқчи.
Жоао Педро 2025 йилда 63 миллион евро эвазига «Брайтон»дан «Челси»га ўтган эди. Унинг «кўклар» билан шартномаси 2033 йилнинг 30 июнига қадар мўлжалланган. Жорий мавсумда ҳужумчи Лондон клуби сафида барча мусобақаларда 45 та ўйинда майдонга тушиб, 19 та гол урди ва 9 та голли узатмани амалга оширди.
Transfermarkt портали футболчининг бозор қийматини 75 миллион еврога баҳоламоқда.
