Pepsi Суперлига 32-тури доирасида Наманганнинг “Навбаҳор” клуби ўз майдонида Тошкентнинг “Локомотив” жамоасини қабул қилади. Мазкур ўйин учун чиқарилган чипталар бугундан сотувга чиқди.
Севимли жамоамиз ишқибозлари 4, 5, 6, 7, 8, 9, 14, 15, 16, 17, 18 ва
19-секторлар учун 15 минг, 2, 3, 10, 11, 12, 13, 20 ҳамда 21-секторлар учун
20 минг сўмдан чипта харид қилишлари мумкин.
“Навбаҳор”–“Локомотив” клублари ўртасидаги учрашувдан олдин вилоятимизнинг таниқли хонандалари томошабинларга ўзларининг дилрабо куй-қўшиқлари билан завқ улашишади.
Мазкур ўйин жорий мавсумнинг сўнгги баҳси бўлишдан ташқари, “темирйўлчилар” Наманганга чемпион сифатида ташриф буюришса, “лочинлар” бронза медали соҳиби сифатида майдонга тушишади.
Шундай экан, “Локомотив” бежизга олтин медални қўлга киритмаганлигини исботлашга уринса, “Навбаҳор” Намангандаги мағлубиятсиз сериясини давом эттиришга ҳаракат қилиб, жорий мавсумни ижобий тарзда якунлашга интилади.
Бўлажак учрашув мазкур омиллар сабабли ҳам анча аҳамиятли.
Чипталар бугундан бошлаб, Наманган шаҳридаги “Марказий” ўйингоҳ, “Сардоба” бозори, шунингдек, “Испархон” Супермаркети ҳудудларида сотилмоқда. Чипталар миқдори чекланган. Уларни тезроқ харид қилишга шошилинг!
“Навбаҳор” – “Локомотив” ўйини 30 ноябрь куни соат 16:00 да старт олади.
Жорий мавсумнинг сўнгги баҳсига ташриф буюринг ва севимли жамоангиз - “Навбаҳор”ни қўллаб-қувватланг ҳамда ғалабасига мададкор бўлинг, азиз футбол мухлислари!
“Навбаҳор” ПФК матбуот хизмати.
