"Фулҳэм" бош мураббийи Клаудио Раньери жамоа вазифалари ҳақида гапирди.
"Қуйи лигага тушиб кетишдан сақланиб қолишимиз қийин бўлади, аммо ишонаманки, бунинг уддасидан чиқамиз. Жамоага пойдевор керак. Ҳимояни тўғрилашимиз керак, бутун ўйинимизни ҳам.
Футболчиларга тўғрисини айтдим, менга ҳаракат қиладиган ва курашадиган ўйинчилар керак.
Бу ерга келганимдан сўнг биринчи бўлиб қўнғироқ қилган киши Моуриньо бўлди. Ажойиб инсон ва ўзгача мураббий. Собиқ жамоаларим - "Челси" ва "Лестер"га қарши ўйинлар? "Челси" туфайли Англия футболига кириб келдим, "Лестер" билан ақлбовар иш қилдик. Бу ҳиссиётларга тўла икки ўйин бўлади. Аммо барибир ўз жамоам ҳақида ўйлайман", - дейди Раньери.
