Италиянинг 15-тури доирасида "Рома" сафарда "Кальяри" клуби меҳмони бўлиб, аламли тарзда ғалабани қўлдан чиқарди.

Римликлар танаффусга қадар рақиб дарвозасини икки марта ишғол қилиб, ишончли ҳисоб билан олдинга ўтиб олишди. Аммо ўйин тугашига 6 дақиқа қолганида мезбонлар ҳисобдаги фарқни биттага қисқартиришди.

Учрашувга қўшиб берилган дақиқаларда "Кальяри"нинг бирданига 2 нафар футболчиси майдондан четлатилди. Компенсация вақтининг 5-дақиқасида майдон эгалари 9 киши бўлиб ҳисобни тенглаштиришга муваффақ бўлишди.

Шу тариқа, "Рома" муҳим бўлган 2 очкони йўқотди ва 21 очко билан жадвалда ҳозирча 6-поғонани эгаллаб турибди.

Италия А серияси, 15-тур

Кальяри – Рома 2:2 (0:2, 2:0)

Голлар: 0:1 – 14 Кристанте, 0:2 – 41 Коларов, 1:2 – 84 Ионицэ, 2:2 – 90 Сау.

Кальяри: Краньо, Срна, Клаван, Чеппителли, Фараго, Ионицэ, Падоин (Паяч, 65), Жоао Педро, Брадарич (Чигарини, 80), Черри, Фариас (Сау, 75).

Рома: Ольсен, Манолас, Флоренци, Фасио, Коларов, Нзонзи, Дзаньоло (Жезус, 89), Кристанте, Ундер, Клюйверт (Пеллегрини, 75), Шик (Пасторе, 83).

Огоҳлантиришлар: Кристанте (47), Фараго (64), Сау (90), Чеппителли (90).

Четлатишлар: Срна (90), Чеппителли (90).