«Эвертон» клуби сардори Шеймус Коулмэн жорий мавсум якунланганидан кейин жамоани тарк этади.

37 ёшли ирландиялик ҳимоячи «ирислар» шарафини 2009 йилдан буён — нақд 17 йил давомида ҳимоя қилиб келди. Эндиликда унда «Эвертон» тузилмасида мураббий сифатида қолиш ёки бошқа клубда футболчилик фаолиятини давом эттириш имконияти бор.

Коулмэн «Эвертон» сафида Англия Премьер-лигасида (АПЛ) энг кўп ўйин ўтказган футболчи ҳисобланади — унинг ҳисобида 372 та учрашув мавжуд.

Агар ўнг қанот ҳимоячиси якшанба куни «Сандерленд»га қарши кечадиган мавсумдаги сўнгги уй учрашувида майдонга тушса, клубдаги жами ўйинлари сонини 434 тага етказади. Натижада у «Эвертон» тарихида энг кўп майдонга тушган футболчилар рўйхатида 10-ўринга кўтарилиб олади.