Мадриднинг «Реал» клубида ички муҳит барқарор эмас — ОАВда футболчиларнинг ўзаро ва бош мураббий Алваро Арбелоа билан муносабатларида муаммолар борлиги ҳақида хабарлар мунтазам равишда пайдо бўлмоқда.
The Touchline нашри инсайдер Хосе Феликс Диасга таяниб хабар беришича, яқинда жамоа ҳимоячиси Алваро Каррерас асосий таркибга киритилмаганидан норози бўлган. Бош мураббий Арбелоа эса бунга жуда қўпол тарзда жавоб қайтарган: у Каррерасга мураббийлик лицензиясини олишни, мураббий бўлишни ва қарорларни ўзи қабул қилишни маслаҳат берган.
Маълумот учун, ушбу воқеадан сўнг Каррерас «Реал Овьедо»га қарши кечган (2:0) учрашувда тўлиқ 90 дақиқа ҳаракат қилди. Бунгача эса у Ла Лиганинг кетма-кет учта ўйинида захира ўриндиғида қолдирилган эди.
