Франциялик ҳужумчи Усмон Дембеле “Барселоана”нинг бугунги машғулотларига кечикиб келди. Бу ҳақда Mundo Deportivo нашри хабар бермоқда.
Айтилишича, клуб машғулотлари соат 11:00га белгиланган бўлиб, Дембеле “Барселона” базасига соати 13:00да кириб келган.
“Дембеле ухлаб қолгани учун машғулотларга кечикиб келган. Жамоавий машғулот якунлангач, у майдонда қолиб якка тарзда машғулот ўтаган”, дейилади хабарда.
Эслатиб ўтамиз, Дембеле кеча “Эспаньол” билан ўйинда (4:0) гол урган эди.