12–22 декабрь кунлари БАА мезбонлигида ўтказиладиган Клублар ўртасидаги жаҳон чемпионатининг барча иштирокчилари номи маълум бўлди. 

Абу Даби ва Ал Айн шаҳарларида ўтказиладиган мусобақада мезбон жамоа “Ал-Айн”дан ташқари Осиёдан “Кашима Антлерс”,  Европадан “Реал Мадрид”, Африкадан “Эсперанс”,  Океания минтақасидан “Веллингтон”,  Шимолий ва Марказий Америка минтақасидан “Гвадалахара” ҳамда Жанубий Америкадан “Ривер Плейт” жамоалари иштирок этадиган бўлди.

Клублар ўртасидаги жаҳон чемпионатининг дастлабки учрашуви 12 декабрь куни Ал-Айн шаҳрида ўтказилади. Ушбу баҳсда “Ал-Айн” Океания вакили “Веллингтон”га қарши ўйнайди.