12–22 dekabr kunlari BAA mezbonligida o‘tkaziladigan Klublar o‘rtasidagi jahon chempionatining barcha ishtirokchilari nomi ma’lum bo‘ldi.
Abu Dabi va Al Ayn shaharlarida o‘tkaziladigan musobaqada mezbon jamoa “Al-Ayn”dan tashqari Osiyodan “Kashima Antlers”, Yevropadan “Real Madrid”, Afrikadan “Esperans”, Okeaniya mintaqasidan “Vellington”, Shimoliy va Markaziy Amerika mintaqasidan “Gvadalaxara” hamda Janubiy Amerikadan “River Pleyt” jamoalari ishtirok etadigan bo‘ldi.
Klublar o‘rtasidagi jahon chempionatining dastlabki uchrashuvi 12 dekabr kuni Al-Ayn shahrida o‘tkaziladi. Ushbu bahsda “Al-Ayn” Okeaniya vakili “Vellington”ga qarshi o‘ynaydi.
