Россиялик футболчи келаси мавсумни ҳам "Навбаҳор"да ўтказадиган бўлди.

Жорий мавсум Суперлигада бронза медалларини қўлга киритган Наманганнинг “Навбаҳор” клуби ўзининг россиялик ҳимоячиси Игорь Голбан билан амалдаги шартномани узайтирди. Таъкидлаш керакки, "Навбаҳор" бундан аввалроқ жорий мавсумда ўзини кўрсатган Мирзоҳид Ғофуров ва Жаҳонгир Меҳмонов билан ҳам келишувни узайтиргани ҳақида хабар берган эдик.

Берилган маълумотларга қараганда 28 ёшли футболчи келгуси мавсумни ҳам “лочинлар” сафида ўтказади.

Маълумот учун, Голбан жорий мавсум Суперлигада жами 30та ўйинда майдонга тушиб, рақиблари дарвозасига 4та гол киритишга эришди.

Эслатиб ўтамиз, Игорь Голбан “Навбаҳор” сафига ёзда Қаршининг “Насаф” клубидан кўчиб ўтган эди.