Аввалроқ Ўзбекистон Миллий олимпия қўмитаси президенти, Ўзбекистон футбол ассоциацияси биринчи вице-президенти Умид Аҳмаджонов FIFA ташкилоти саммитида қатнашиш учун бугун Қатарга жўнаб кетгани ҳақида хабар берган эдик.
FIFA ташкилоти президенти Жанни Инфантино саммитдан олдин FIFAга аъзо футбол ассоциациялари вакиллари билан тез-тез учрашиб туриш жуда ҳам муҳимлигини таъкидлади.
“FIFAга аъзо футбол ассоциациялари вакиллари билан тез-тез учрашиб туриш жуда ҳам муҳим. Мазкур учрашувлар давомида уларни қийнаётган масалалар тингланиб, уларга амалий ёрдам бериш чора-тадбирлари кўриб чиқилади.
FIFA саммитлари орқали бутун дунё футболидаги глобал муаммоларни ҳал этишга ҳаракат қиламиз”, – дея фикрбилдирган FIFA президенти Жанни Инфантино.
Маълумот ўрнида, Доҳа шаҳри 2017 йилнинг февраль ойида ҳам FIFA саммитига мезбонлик қилганди. Бу FIFAнинг Доҳадаги иккинчи саммити ҳисобланади.
