Тошкентнинг “Пахтакор” клуби футзалчилари Ўзбекистон Кубогида икки ўйинда ғалаба қозонишди.
“Ёшлик” спорт мажмуасида ўтаётган баҳсларда “Пахтакор” дастлабки икки турда ғалаба қозонди. Дастлаб "Металлург" билан беллашувда 6:1 ҳисобида зафар қучган Равшан Ражабов шогирдлари бугун 2-турда “Шердор”ни 7:2 ҳисобида мағлуб этишди. Навбатдаги учрашувларда “Нафис” ва “Максам-Чирчиқ”га қарши ўйинлар ўтказилади. Гуруҳларда дастлабки икки ўринни эгаллаган жамоалар ярим финал баҳсларида курашни давом эттиришади.
“Пахтакор” – “Металлург” - 6:1
Голлар: Шавкатов 9, Садиров 9, 23, Аминов 17, Самигов 38, Локтионов 40 - Баратов 19.
“Пахтакор” – “Шердор” - 7:2
Голлар: Чориев 7, Шавкатов 24, 36, 38, Файзуллаев 27, Ирсалиев 39, Локтионов 39 - Ражабов 12, 15.
