“Ювентус” ҳужумчиси Гонсало Игуаин ҳамон “Челси" қизиқишлари доирасида турибди, деб ёзади Sky Sports нашри.
Футболчи қишки трансферлар вақтида “аристократлар” сафига ўтиши мумкин. Игуаин “Челси”нинг айни дамдаги бош мураббийи Маурицио Сарри билан “Наполи”да бирга ишлаган. Игуаин ҳозирда ижара асосида “Милан”да тўп сурмоқда.
Ўз ўрнида “Милан” Лондон клубининг испаниялик ҳужумчиси Алваро Моратага даъвогар бўлиб турибди. Шундай экан, ҳужумчилар ўзаро ўрин алмашиши мумкин. Қайд этиш жоиз, Игуаиннинг “Челси”га ўтиши “Ювентус”нинг позициясига боғлиқ.
Маълумот учун, Игуаин ушбу мавсумда 12 та ўйинда майдонга тушиб, 5 та гол уриб, 1 та голга ассистентлик қилган. Мората эса жорий мавсум 14 та ўйинда, 5 та гол уришга эришди.
