Ўзбекистон футбол ассоциацияси томонидан юртимизда мураббийлик соҳасини ривожлантириш, мураббийлар маҳоратини ошириш бўйича бир қатор чора-тадбирлар амалга оширилмоқда.
Жумладан, 21 декабрь куни Нукус шаҳрида "С" сертификати бўйича ОФКнинг мураббийлик курслари бўлиб ўтмоқда. Мазкур курсларда Зоир Ҳасанов инструктор сифатида иш олиб бормоқда, Абат Арзимов эса координатор сифатида ишлаяпти.
Шу билан бирга мана шундай ўқув курслари Сурхондарё вилоятидаги мураббийлар учун Термиз шаҳрида бошланди. Мазкур курсларда инструктор сифатида Дмитрий Ким фаолият юритмоқда, координатор эса Фурқат Мустафоқулов. Дмитрий Ким биринчи марта халқаро ўқув курсларида инструктор сифатида ишлаётганини ҳам таъкидлаб ўтиш зарур.
"Халқаро ўқув курсларида иш бошлаганимдан жуда хурсандман. Бу мен учун катта ютуқ. Келгуси режаларим ўз устимда кўпроқ ишлаб, билим ва маҳоратимни ошириб бориш ҳамда тажрибамни мураббийлар билан бўлишиш. Бундан ташқари, Сурхондарёда бундай халқаро ўқув курслари биринчи марта ўтказилаётганини ҳам алоҳида таъкидлаш зарур. Бу мазкур ҳудуд учун катта воқелик. Умид қилиб қоламизки, бундай ўқув курслари бу ерда яна кўплаб бўлиб ўтади", - дейди Дмитрий Ким.
Мазкур ўқув курслари тингловчиларини асосан маҳаллий футбол академиялари мураббийлари ташкил қилади.Нукус ва Термиз шаҳарларидаги ўқув курслари 26 декабрь куни ўз ниҳоясига етади. Курсларнинг иккинчи қисми 4-10 январь кунлари бўлиб ўтиши режалаштирилган.
Келаси йилдан бошлаб "С" сертификати учун ўқув курслари ОФК томонидан ўтказилмайди. Эндиликда мазкур сертификатни қўлга киритиш мураббийлар маҳаллий футбол ассоциацияси томонидан ташкил қилинадиган ўқув курсларида ўқишлари керак бўлади.
"ПСЖ" Мбаппе ўрнига 4 та юлдуздан бирини олиб келмоқчи [6304]
Дунёнинг энг қиммат футбол клуби номи маълум бўлди [5907]
"МЮ" Каземиро ўрнига 100 миллион еврога футболчи олиб келмоқчи [4715]
Тен Хаг ўрнига келиши мумкин бўлган икки мураббий номи маълум бўлди [3975]
Макрон Мбаппенинг янги клубига катта босим ўтказмоқчи [3714]
"Реал"нинг асосий футболчиларидан бири ЕЧЛ финалини ўтказиб юбориши мумкин [3498]
"Барселона" учун яна ортиқча муаммо пайд бўлди [3348]
Испаниялик собиқ футболчи "Реал"нинг дарвозасини финалда ким қўриқлашини айтди [2629]
"Бавария" "янги Месси"ни ўзига жалб қилмоқчи [2577]
"Барселона" Жаҳон чемпиони билан 2+1 кўринишида шартнома имзолаши кутилмоқда [2228]
