“Челси” клуби “Ювентус” ҳужумчиси, айни дамда “Милан”да ижара асосида тўп сураётган Гонсало Игуаинни таркибига қўшиб олмоқчи. “Sportmediaset” хабарига кўра, лондонликлар аргентиналик ҳужумчини Альваро Моратага алмаштиришмоқчи.

Айни дамда иккита вариант бор. Ёки “Милан” Игуаинни тўлиқ сотиб олади ва томонлар ўз футболчиларини тўлиқ алмаштиришади, ёки “Челси” Игуаинни ярим йилга ижарага олади ва Моратани ҳам ижарага беради. Кейин эса ёзда “Ювентус” билан музокараларга киришади.

Таъкидлаш керакки, “Милан” агар Игуаинни сотиб оламан деса, 36 миллион евро тўлаши керак, аммо клубнинг молиявий ҳолати ҳозир бунга имкон бермайди.