Хабарингиз бор, айни кунларда Ўзбекистон миллий терма жамоаси Туркиянинг Анталия шаҳрида Осиё Кубоги баҳсларига тайёргарлик кўрмоқда. Ушбу катта мусобақа олдидан “Сўғдиёна” жамоаси сардори Санжар Рашидов ўз фикрларини билдириб, миллий терма жамоамизга омад тилади.
"Миллий терма жамоамиз БААда бўлиб ўтадиган Осиё Кубогида яхши натижаларга эришиб, ўзбек халқини хурсанд қила олади, деган умиддаман. Кучли мутахассис қўл остида футболчиларимиз албатта ўз олдиларига қуйилган вазифаларга эришишига ишонамиз. Мусобақа олдидан “Сўғдиёна” футбол клуби аъзолари номидан миллий терма жамоамизга омад тилаймиз.
Биз сизларга ишонамиз ва доимо қўллаб-қувватлаймиз!" -дейди “Сўғдиёна” жамоаси сардори, Ўзбекистон миллий терма жамоаси ҳужумчиси Сардор Рашидовнинг укаси Санжар Рашидов.
