Бугун “Металлург” футбол клуби раҳбарияти яна икки нафар тажрибали футболчилар билан ҳам дастлабки келишувга эришдилар.
Булар “Пахтакор” жамоаси шарафини узоқ йиллар ҳимоя қилган маҳоратли ҳимоячи Камолиддин Тожиев ҳамда “Қизилқум”, “Олмалиқ”, “Локомотив” жамоаларидаги ўйинлари билан танилган, сўнгги йилларни “Бухоро” жамоасида ўтказган Шавкат Муллажоновлардир.
Бу ҳар иккала ҳимоячи қайси жамоа шарафини ҳимоя этмасин, ҳамиша мухлислар эътибори, меҳрини қозониб келишган. Умид қиламизки, ушбу футболчиларнинг маҳорати, тажрибаси “Металлург” жамоасининг янги мавсумдаги муваффақиятларида асқотади.
