«Манчестер Юнайтед» клуби собиқ бош мураббийи Жозе Моуриньо «Реал»ни бошқариши мумкин, дея хабар тарқатди Mundo Deportivo.
Португалиялик мутахассис мавсум сўнгида ҳозирда вақтинчалик бош мураббий вазифасини бажараётган Сантьяго Соларининг ўрнини эгаллаши мумкин. Манбага кўра, Моуриньо Мадридга келадиган бўлса, жамоа сардори Серхио Рамос жамоани тарк этади.
Эслатиб ўтамиз, Моуриньо 2010-2013 йиллар оралиғида «Реал»ни бошқариб, Ла лига, Испания кубоги ва мамлакат суперкубогини бир мартадан қўлга киритган.
Маълумотларга қараганда, Жозе "Қироллик клуби"да ишлаган пайтда Рамос билан уришиб қолган. 21 декабрь куни журналистлар Серхиога Моуриньо ҳақида савол беришди. Испаниялик футболчи эса қуйидагича жавоб берди: "Беш йилдан бери жамоамизда бундай мураббий йўқ, аммо журналистлар ҳамон Моуриньо билан қизиқади".