"Арсенал" бош мураббийи Унаи Эмери "Ливерпуль"дан учралган йирик ҳисобдаги мағлубият (1:5) ҳақида фикр билдирди.
"Ёмон ўйнамадик деб ўйлайман, биринчи голни урдик, аммо кейин вазиятлар яратишда, қувватда ва маҳоратда фарқ сезилиб қолди. Бунга ҳалақит қила олмадик.
Иккинчи бўлимда яна бир гол уришни истагандик, аммо иккинчи пенальти ўйинга нуқта қўйди.
Ёмон натижа. Бу мағлубиятдан сабоқ чиқарамиз. Ҳимояда ишончлироқ ўйнаш кераклигини билдик.
"Ливерпуль" жуда кучайди ва биз учун ўрнак бўлади. Биз ҳам худди шундай кучайишимиз керак", - дейди Эмери.
