Ўзбекистон футбол ассоциацияси ҳузуридаги ҳудудий болалар-ўсмирлар футбол академияларида навбатдаги имтиҳонлар бошланди.

Имтиҳонлар январь-февраль ойлари давомида Республикамиздаги барча ҳудудий болалар-ўсмирлар футбол академияларида ўтказилиши режалаштирилган. 

Ўзбекистон футбол ассоциацияси Футбол академиялар фаолиятини ривожлантириш департаментининг йиллик имтиҳонлар режасига асосан навбатдаги имтиҳонларни Бухоро вилоят болалар-ўсмирлар футбол академияси бошлаб берди.

Ўтказилаётган имтиҳонлардан мақсад футбол академиялар тарбияланувчиларини назоратдан ўтказиш, ёш истеъдодли ва иқтидорли футболчиларни селлекция қилиш ҳамда шаҳар, туман, қишлоқлардаги умумтаълим мактаб ўқувчилари ўртасида жорий этилган “Baby league” мусобақаларидан саралаб олинган ёш футболчиларни кўрикдан ўтказишдан иборат.

Шу билан бирга, қисқа вақт мобайнида ҳудудий болалар-ўсмирлар футбол академияларига ўқишга кириш истагидаги футболчилар сони кескин равишда ошганлигини таъкидлаб ўтиш жоиз.