Мадриднинг "Реал" клуби Испания Ла лигасининг 18-тури доирасида бўлиб ўтган "Реал Сосьедад"га қарши ўйинда нафақат мағлуб бўлди, балки етакчи футболчиларидан ҳам айрилди.

Якшанба кунги ўйинда захирага олинган ярим ҳимоячи Тони Кроос кеча тиббий кўрикдан ўтди. Германиялик футболчининг чап оёғидаги мушагида узилиш юз бергани аниқланди. Дастлабки тахминларга кўра, Крооснинг тикланиши учун 2 ҳафтадан 3 ҳафтагача вақт талаб этилади.

Шу боис, 29 ёшли футболчи Ла лига доирасида бўладиган «Бетис» (13 январь) ва «Севилья» (19 январь), шунингдек, Испания кубогининг 1/8 финал босқичи доирасида ўтадиган «Леганес»га қарши ҳар иккала баҳсларни (9 и 16 январь) ўтказиб юборади.

Тони Кроосдан ташқари "Реал"нинг бошқа футболчилари — Гарет Бэйл, Марко Асенсио, Маркос Льоренте ва Мариано Диас ҳам ҳозирда жароҳатни даволаш билан банд.