Ўзбекистон терма жамоаси яримҳимоячиси Сардор Рашидов Осиё Кубоги гуруҳ босқичининг 1-туридан ўрин олган Уммонга (2:1) қарши ўйиндан сўнг, ўз фикрлари билан ўртоқлашди.
"Мусобақанинг дастлабки ўйини биз учун оғир ўтди. Аммо ҳамжиҳатлик билан ўйнаб, яратилган вазиятлардан унумли фойдаланиб қолдик.
Албатта ғалаба ҳар қандай жамоани қониқтиради. Менимча, мусобақанинг илк ўйини бўлгани учун қийналдик. Кейинги баҳсларда бизга енгил бўлади деб ўйлайман.
Туркманистон терма жамоаси? Уларни Японияга ютқазганини эшитдик. Бироқ, Туркманистон ҳам яхши шаклланган жамоа, унга қарши пухта тайёргарлик кўрамиз", - деди Рашидов.
