ЎФА биринчи вице-президенти Умид Аҳмаджонов Уммон терма жамоасига қарши ўйиндан сўнг ўзбекистонлик футболчиларни ғалаба билан табриклади.
“Чиройли ўйин намойиш қилиб, миллионлаб футбол мухлисларини, бутун ўзбек халқини хурсанд қилдингиз. Биз Сизларга барча шарт-шароитларни яратиб беришга тайёрмиз. Бош мураббийнинг барча талабларини бажариб келяпмиз.
Бундан бу ёғига ҳам бажаришда давом этамиз. Ҳар бир ғалаба учун ЎФА мукофот пуллари ажратилади. Асосийси Ватан, ота-онангиз, яқинларингиз, халқингиз учун футбол ўйнанг!
Фикру хаёлингиз фақат ғалаба қозониб, юзимизни ёруғ қилишгага қаратилсин. Албатта, чемпиион бўлиш вақти етиб келди.
Осиё Кубогини Ўзбекистонга олиб бориб, мухлисларимизни, халқимизни, муҳтарам Президентимизни хурсанд қиламиз деган умиддаман. Шу мақсад йўлида барчамиз бир тан ва бир жон бўлиб ҳаракат қилишимиз керак. Сизларни ғалаба билан табриклайман”, - деди Умид Аҳмаджонов.
