Олдинроқ Ўзбекистон чемпиони “Локомотив” жамоасининг БААнинг Дубай шаҳрида ўқув-машғулот йиғинлари олиб бориши ҳақида хабар берган эдик.
“Темирйўлчилар” кеча Дубайга етиб боришди ва йиғинни бошлашди. “Локо” у ерда 2 ҳафта мобайнида машғулотлар ўтказади. Машғулотлар кунига 2 маҳалдан олиб борилади.
Ўзбекистон чемпиони мазкур йиғин давомида учта ўртоқлик ўйинини ўтказади. Дастлаб, 16 январь куни Россиянинг “Спартак Москва” жамоасига қарши баҳс олиб борилади.
Сўнгра 18 январь куни Словакиянинг 7 карра чемпиони “Жилина” футбол клуби билан куч синашилади. 21 январь куни эса Даниянинг “Брондбью” жамоасига қарши майдонга тушилади.
