Тошкент шаҳридаги мавжуд барча маҳаллаларида, болалар-ўсмирлар спорт мактабларида ҳаваскор аёллар спорт жамоалари тузилмоқда.
Мирзо Улуғбек туманида жойлашган 1-сонли болалар-ўсмирлар спорт мактабида ҳам маҳалла фаоли, уй бекаси Нурмухамедова Лалита Фаатовна бошчилигида Бешкапа, Аҳмад Югнакий, Ал-Фаробий, ва Ҳумоюн маҳаллалари аёллари иштирокида аёллар спорт жамоаси тузилган.
Бугунги кунда мазкур жамоада 87 нафар 45 ёшдан 75 ёшгача бўлган аёллар ҳафтада 6 маротаба (якшанбадан ташқари) эрталаб соат 7.00 дан 9.00 гача гимнастика, йога спорт турлари билан шуғулланиб келишади.
Бу каби спорт жамоалари аёллар орасида соғлом турмуш тарзини шакллантиришга, уларнинг саломатлигини янада мустаҳкамлашга хизмат қилади.