Toshkent shahridagi mavjud barcha mahallalarida, bolalar-o‘smirlar sport maktablarida havaskor ayollar sport jamoalari tuzilmoqda.
Mirzo Ulug‘bek tumanida joylashgan 1-sonli bolalar-o‘smirlar sport maktabida ham mahalla faoli, uy bekasi Nurmuxamedova Lalita Faatovna boshchiligida Beshkapa, Ahmad Yugnakiy, Al-Farobiy, va Humoyun mahallalari ayollari ishtirokida ayollar sport jamoasi tuzilgan.
Bugungi kunda mazkur jamoada 87 nafar 45 yoshdan 75 yoshgacha bo‘lgan ayollar haftada 6 marotaba (yakshanbadan tashqari) ertalab soat 7.00 dan 9.00 gacha gimnastika, yoga sport turlari bilan shug‘ullanib kelishadi.
Bu kabi sport jamoalari ayollar orasida sog‘lom turmush tarzini shakllantirishga, ularning salomatligini yanada mustahkamlashga xizmat qiladi.
