Айни дамда Тошкентда ўқув-йиғинни давом эттираётган «Андижон» ўз таркибини кучайтириш мақсадида селекция ишларига жиддий эътибор қаратмоқда.
Ўтган мавсум «Металлург» шарафини ҳимоя қилган Аброр Хусинов жорий йилни «Андижон»да ўтказадиган бўлди.
Чап қанот ва марказий ҳимояда бирдек харакат қила оладиган, 30 ёшли футболчи «бургутлар» аъзоси бўлганидан кейин шундай деди: - «Андижон» жамоасидан таклиф бўлгач, яхшилаб ўйлаб кўриб, розилик бердим. Клуб вице-президенти Маъруфжон Абдисаломов билан суҳбатлашганимда, жамоанинг мақсад ва вазифалари ҳақида батафсил тушунтирди ва менга юксак ишонч билдираётганини айтиб ўтди. Ўз навбатида мен ҳам «Андижон» жамоасининг муваффақиятларига ўз ҳиссамни қўшиб, клуб ривожи йўлида бор кучимни ишга солишга тайёрман. Умид қиламанки, янги жамоам сафида маҳаллий мухлисларнинг ишончини оқлаб, уларни хурсанд эта оламиз.
«Андижон» матбуот хизмати.
