Акмал Эшонхонов

Дубай шаҳридан махсус

Туркманистон терма жамоаси кеча, 12 январь куни Дубай шаҳридаги “Maktoum bin Rashid Al Maktoum stadium” ўйингоҳида Ўзбекистонга қарши ўйин олдидан расмий машғулотини ўтказди.

Машғулотда туркманистонлик барча футболчилар иштирок этишди. Аввалроқ, ушбу стадионда Ўзбекистон терма жамоаси ҳам ўйинолди расмий машғулотини ўтказган эди.

Эслатиб ўтамиз, Учрашув маҳаллий БАА вақти билан соат 20:00да (Тошкент вақти билан соат 21:00да) Дубай шаҳридаги “Rashid Stadium” ўйингоҳида бошланади.

Учрашувда Ўзбекистон оқ, Туркманистон яшил рангли либосда ҳаракат қилади. Баҳсни БАА вакили Аммар Ал Жунайби бошчилигидаги ҳакамлар бошқаради.