Ўзбекистон терма жамоаси бугун БАА мамлакатининг Дубай шаҳридан Ал-Айн шаҳрига кўчиб ўтади. Бу ҳақда ЎФА Матбуот хизмати хабар бермоқда.
“Туркманистонга қарши ўйиндан кейин тўплар нисбатига кўра "F" гуруҳида биринчи ўринга кўтарилиб олган Ўзбекистон миллий терма жамоаси бугун Дубай шаҳридан Ал-Айн шаҳрига кўчиб ўтади.
У ерда вакилларимиз гуруҳ босқичининг сўнгги ўйини ҳисобланган Япония терма жамоасига қарши ўйинга тайёргарлик олиб боришади”, дейилади ЎФА хабарида.
Маълумот ўрнида, Японияга қарши баҳс 17 январь куни маҳаллий вақт билан соат 17:30да (Тошкент вақти билан соат 18:30да) Ал-Айн шаҳридаги "Халифа бин Зайд" стадионида бўлиб ўтади.
