Ўзбекистон терма жамоаси Японияга қарши ўйинга машғулотларни давом эттирмоқда. Бу ҳақда ЎФА Матбуот хизмати хабар бермоқда.
“Ўзбекистон терма жамоаси Бирлашган Араб Амирликларининг Ал-Айн шаҳрида Японияга қарши ўйинга тайёргарликни давом эттирмоқда.
Бугун, 15 январь куни маҳаллий вақт билан соат 17:00да терма жамоаси аъзолари “Халифа бин Зайд” стадионининг 3-майдонида машғулот ўтказишади. Машғулотнинг дастлабки 15 дақиқаси ОАВ вакиллари учун очиқ”, дейилади ЎФА хабарида.
Эслатиб ўтамиз, 17 январь куни “Халифа бин Зайд” стадионида Ўзбекистон миллий терма жамоаси гуруҳ босқичининг сўнгги ўйинида Япония терма жамоасига қарши майдонга тушади.
