«Арсенал» ярим ҳимоячиси Месут Ўзил туркиялик соҳибжамол Омина Гулше билан унаштирилганини маълум қилди.
30 ёшли футболчи ўзининг инстаграмдаги саҳифасида Омина билан тушган суратини жойлади ва унинг остига: "Аллоҳнинг инояти билан умрбод биргамиз", — дея изоҳ қолдирди.
Ўзил ва Гулше 2017 йилнинг ёзидан бери муносабат ўрнатишган. Гулше 2014 йилда «Мисс Туркия» унвонига сазовор бўлган. Шунингдек, у «Miss World» танловида иштирок этган, аммо мусобақанинг финал босқичига чиқа олмаган.
Эслатиб ўтамиз, «Арсенал» қишки трансфер пайтида Эмерининг талабига кўра Ўзилни сотиб юборишга уринмоқда.
