“Локомотив” жамоаси 9-23 январь кунлари БААнинг Дубай шаҳрида ўқув-машғулот йиғинини олиб бориши ҳақида хабар берган эдик. “Темирйўлчилар” жамоаси ушбу йиғинда учта ўртоқлик ўйинини ўтказишни режалаштиришган.

Бугун йиғин доирасидаги илк синов-назорат ўйини ташкил этилди. Тошкент жамоасига Россиянинг “Спартак Москва” клуби рақиблик қилди. Қизиқарли ва голларга бой тарзда кечган беллашувда рус клуби муваффақият қозонди – 5:2.

“Локо” сафида Жамшид Искандеров ҳамда Тимурхўжа Абдуҳолиқов рақиб дарвозасини ишғол этишди.

“Локомотив” орадан икки кун ўтиб, 18 январь куни Словакиянинг 7 карра чемпиони “Жилина” футбол клуби билан куч синашади. Сўнгги баҳс 21 январь куни Даниянинг 10 карра чемпиони “Брондбью” жамоасига қарши ўтказилади.