“Lokomotiv” jamoasi 9-23 yanvar kunlari BAAning Dubay shahrida o‘quv-mashg‘ulot yig‘inini olib borishi haqida xabar bergan edik. “Temiryo‘lchilar” jamoasi ushbu yig‘inda uchta o‘rtoqlik o‘yinini o‘tkazishni rejalashtirishgan.
Bugun yig‘in doirasidagi ilk sinov-nazorat o‘yini tashkil etildi. Toshkent jamoasiga Rossiyaning “Spartak Moskva” klubi raqiblik qildi. Qiziqarli va gollarga boy tarzda kechgan bellashuvda rus klubi muvaffaqiyat qozondi – 5:2.
“Loko” safida Jamshid Iskanderov hamda Timurxo‘ja Abduholiqov raqib darvozasini ishg‘ol etishdi.
“Lokomotiv” oradan ikki kun o‘tib, 18 yanvar kuni Slovakiyaning 7 karra chempioni “Jilina” futbol klubi bilan kuch sinashadi. So‘nggi bahs 21 yanvar kuni Daniyaning 10 karra chempioni “Brondbyu” jamoasiga qarshi o‘tkaziladi.
