Саудия Арабистони бош мураббийи Хуан Антонио Пицци Осиё Кубоги нимчорак финалида Японияга қарши кечган ва 0:1 ҳисобидаги мағлубият қайд этилган ўйиндан кейин ўтказилган матбуот анжуманида истеъфога чиқиши ҳақида эълон қилди. Чилилик мутахассис шартнома узайтирилмаслигини тасдиқлаган.
Маълумот учун, 50 ёшлик мураббий Саудия Арабистони терма жамоаси бошқарувига 2017 йил кузида келганди, у ўшанда лавозимда 2 ой ишлаган Эдгардо Баусуни алмаштирганди.
Эслатиб ўтамиз, у фаолияти давомида "Универсидад Католика", "Росарио Сентраль", "Сан-Лоренсо", "Валенсия" ва бошқа клубларда ҳам ишлаган.
