Лондоннинг "Тоттенхэм" клуби ярим ҳимоячиси Деле Алли Англия чемпионатининг 23-тури доирасида "Фулхэм"га қарши кечган ўйинда (2:1) жароҳат олганди.
Тиббий кўрик натижаларига кўра футболчининг тизза ости пайлари шикастланган. Лондонликлар расмий сайтида маълум қилинишича, 22 ёшли футболчи март ойининг бошида машғулотларга қайтиши мумкин.
Шу тариқа, Алли Анлия Лига Кубоги ярим финалидан ўрин олган «Челси»га қарши жавоб ўйини, ЕЧЛ 1/8 финалидаги «Боруссия Д»га қарши баҳслар ва АПЛдаги бир қатор учрашувларни ўтказиб юборади.
Эслатиб ўтамиз, айни дамда Харри Кейн, Лукас Моура, Муса Сиссоко каби футболчилар жароҳат сабаб «шпорлар» лазаретидалар. Бундан ташқари жамоа етакчиларинидан бири Сон Ҳин Мин Осиё Кубоги мусобақасида қатнашиш учун Жанубий Корея термасига йўл олган.
