Туриннинг “Ювентус” клуби ҳимоячиси Леонардо Бонуччи жароҳат олди.
Футболчи Италия чемпионати 21-туридан ўрин олган “Лацио”га қарши баҳснинг биринчи бўлимида жароҳат олиб майдонни эрта тарк этди.
Яқин вақт ичида футболчи тиббий кўрикдан ўтади ва қачон сафга қайтиши маълум бўлади.
Эслатиб ўтамиз, жорий мавсум Бонуччи “Ювентус” сафида 24 ўйинда майдонга тушиб, 1 та гол урган ва 3 та голга ассистентлик қилган.