Биласиз, ОФК Чемпионлар лигасида “Пахтакор” ва АГМК саралаш босқичидан баҳсларга киришади.

Шу боисдан ушбу жамоалар ОЧЛ-2019 баҳсларида майдонга тушадиган футболчиларини рўйхатдан ўтказиш жараёнини давом эттиришмоқда.

Олдинроқ АГМК жамоаси Осиё Чемпионлар лигаси-2019 саралаш босқичида қатнашиш учун 29 нафар футболчини рўйхатдан ўтказган эди.

Бугун олмалиқликлар яна 2 нафар футболчини рўйхатдан ўтказиш учун ариза беришди. Булар – Акмал Шораҳмедов ҳамда Шаҳзодбек Нурматов. Акмал Шораҳмедов 23-рақам остида ҳаракат қилади. Шаҳзодбек Нурматов эса 99-рақамда рўйхатдан ўтди.

Қайд этиш жоиз, қоидага кўра саралашда иштирок этадиган жамоалар бугун якуний 30 нафар футболчидан иборат рўйхатини тақдим этиши жоиз. Лекин клублар 5 февралга қадар мазкур рўйхатга яна 5 та ўзгартириш киритиш ҳуқуқига эга.

Таъкидлаб ўтамиз, АГМК 12 февраль куни ОЧЛ доирасида ўз майдонида Тожикистон чемпиони "Истиқлол"га қарши ўйнайди.

Алоҳида таъкидлаш жоизки, АГМК футболчиларини рўйхатдан ўтказиш учун ПФЛга ариза топширди. Эндиликда ПФЛ мазкур рўйхатни тасдиқлаб, ОФКга тақдим этади.