Bilasiz, OFK Chempionlar ligasida “Paxtakor” va AGMK saralash bosqichidan bahslarga kirishadi.
Shu boisdan ushbu jamoalar OCHL-2019 bahslarida maydonga tushadigan futbolchilarini ro‘yxatdan o‘tkazish jarayonini davom ettirishmoqda.
Oldinroq AGMK jamoasi Osiyo Chempionlar ligasi-2019 saralash bosqichida qatnashish uchun 29 nafar futbolchini ro‘yxatdan o‘tkazgan edi.
Bugun olmaliqliklar yana 2 nafar futbolchini ro‘yxatdan o‘tkazish uchun ariza berishdi. Bular – Akmal Shorahmedov hamda Shahzodbek Nurmatov. Akmal Shorahmedov 23-raqam ostida harakat qiladi. Shahzodbek Nurmatov esa 99-raqamda ro‘yxatdan o‘tdi.
Qayd etish joiz, qoidaga ko‘ra saralashda ishtirok etadigan jamoalar bugun yakuniy 30 nafar futbolchidan iborat ro‘yxatini taqdim etishi joiz. Lekin klublar 5 fevralga qadar mazkur ro‘yxatga yana 5 ta o‘zgartirish kiritish huquqiga ega.
Ta’kidlab o‘tamiz, AGMK 12 fevral kuni OCHL doirasida o‘z maydonida Tojikiston chempioni "Istiqlol"ga qarshi o‘ynaydi.
Alohida ta’kidlash joizki, AGMK futbolchilarini ro‘yxatdan o‘tkazish uchun PFLga ariza topshirdi. Endilikda PFL mazkur ro‘yxatni tasdiqlab, OFKga taqdim etadi.
