“Косимпошо” клуби ҳужумчиси  Мбайе Дианье “Галатасарой”га ўтди.

27 ёшли футболчи Истамбул клуби билан тўрт ярим йиллик шартнома имзолади. Ушбу трансфер эса 12 млн еврони ташкил қилди.

Шунингдек, “Галатасарой”сенегаллик футболчи билан тузган шартнома бандларини ошкор қилди.

Дианье мавсумнинг қолган қисмида 1,15 млн евро маош олади. 2019/20 ва 2020/21 мавсумларда футболчи 2,35 млн евро, 2021/22 ва 2022/23 мавсумларда йиллига – 2,4 млн евро ишлаб топади.

Дианье жорий мавсум Туркиянинг энг яхши тўпурари бўлиб турибди. У 17 та ўйинда 20 та гол уришга муваффақ бўлди.

Қолаверса, бугун “Галатасарой”“Марсель” ҳужумчиси Константинос Митроглуни ижара асосида сафига қўшиб олди.