“Kosimposho” klubi hujumchisi Mbaye Dianye “Galatasaroy”ga o‘tdi.
27 yoshli futbolchi Istambul klubi bilan to‘rt yarim yillik shartnoma imzoladi. Ushbu transfer esa 12 mln yevroni tashkil qildi.
Shuningdek, “Galatasaroy”senegallik futbolchi bilan tuzgan shartnoma bandlarini oshkor qildi.
Dianye mavsumning qolgan qismida 1,15 mln yevro maosh oladi. 2019/20 va 2020/21 mavsumlarda futbolchi 2,35 mln yevro, 2021/22 va 2022/23 mavsumlarda yilliga – 2,4 mln yevro ishlab topadi.
Dianye joriy mavsum Turkiyaning eng yaxshi to‘purari bo‘lib turibdi. U 17 ta o‘yinda 20 ta gol urishga muvaffaq bo‘ldi.
Qolaversa, bugun “Galatasaroy”“Marsel” hujumchisi Konstantinos Mitrogluni ijara asosida safiga qo‘shib oldi.
