«Барселона» дарвозабони Яспер Силлессен машғулот чоғида жароҳат олди. Бу ҳақда клуб матбуот хизмати хабар тарқатди.
Посбоннинг болдир мушаги лат еган. Ушбу жароҳат туфайли у олти ҳафта давомида майдонга туша олмайди. Шу тариқа, голландиялик футболчи Испания кубоги ярим финал босқичи доирасида «Реал»га қарши кечадиган ҳар иккала ўйинни ўтказиб юборади. Силлессен сафга қайтгунга қадар 19 ёшли Иньяки Пенья "Барселона"нинг захира дарвозабони вазифасини ўтайди.
Испания кубогининг чорак финал босқичи доирасида ўтказилган «Севилья»га қарши ўйинда (6:1) Силлессен асосий таркибда майдонга тушиб, Эвер Банега томонидан йўлланган пенальтини бартараф этди.