Янги мавсумга тайёргарлик кўраётган Наманганнинг “Навбаҳор” клуби навбатдаги ўқув-машғулот йиғинини Туркиянинг Анталия шаҳрида олиб боради.
Наманганликлар Анталияда 6-17 февраль кунлари бўлиб, 3 та назорат-синов баҳслари ўтказишни режалаштиришган. Мазкур ўртоқлик баҳсларида “лочинлар”га Туркияда йиғин олиб бораётган Украина, Швейцария ҳамда Туркия жамоалари спарринг-рақиб бўлишади.
Шунингдек, ушбу йиғин давомида “Навбаҳор” устози Андрей Канчельскис бир қатор янги футболчиларни кўрикдан ўтказишни ҳам режалаштирган.
“Навбаҳор” Туркияга эртага эрталаб парвоз қилишади.
