Бу учрашув олдидан «Эл-Классико» ҳавосидан нафас олган машҳурларнинг айнан шу ўйин ҳақида айтган фикрларини эътиборингизга ҳавола этамиз.
Хави
Биз учун «Реал Мадрид»нинг ва «Эл-Классико»нинг мавжудлиги айни муддао. «Ла Лига» баҳсларида шундай кучли клубнинг борлиги биз учун доимий ҳушёрликни талаб этади.
Висенте Дел Боске
Бу йигитлар «Эл-Классико»да қақшатқич кураш олиб боришлари мумкин, лекин майдондан ташқарида улар дўст. Терма жамоада эса бир байроқ остида елкама-елка туриб жанг қиладиган ҳақиқий жангчилар.
Деко
«Бу Испания классикоси эмас, балки бу бутун дунё классикоси. Уни ҳамма кўришни хоҳлайди. Сабаби, бу учрашувлар ҳудди ЧЛ финалидек ҳаяжонли ўтади. Сени 110 минг мухлис олқишлаб турган чоғда орқага йўл йўқ эканлигини ич-ичингдан сезасан ва ғалаба учун ҳаракат қила бошлайсан…»
Стив Макманаман
«Кучли қарама-қаршилик. Биз Каталонияга борганимизда бизни қуролли кучлар ҳимоя қиларди. Тўғриси, тезроқ ўйин тугаб, ортга қайтиш ҳақида ўйлардим…»
Фернандо Ерро
«Сизни ёмон кўрадиган 100 минг мухлислар қуршовида ўйнаш жуда ҳам оғир. Каталониядаги ўйиндан сўнг, биздаги ҳаяжон икки кунгача босилмасди…»
Кристияно Роналдо
«Бу буюк тўқнашув. Бу учрашувда мен ёки Месси иштирок этмасада, бу ўйин буюклигини заррача йўқотмайди. Бу учрашув биздан олдин ҳам буюк эди, биздан кейин ҳам шундайлигича қолади.»
Давид Бекҳам
“«Барселона» кучли жамоа, айниқса, ўз уйида қандай ўйнашни билади. Улар бизга қарши икки ҳисса куч билан ҳаракат қилишарди. Тўғриси, уларга қарши кечган бирорта осон ўйинни эслай олмайман ”
