Bu uchrashuv oldidan «El-Klassiko» havosidan nafas olgan mashhurlarning aynan shu o‘yin haqida aytgan fikrlarini e’tiboringizga havola etamiz.
Xavi
Biz uchun «Real Madrid»ning va «El-Klassiko»ning mavjudligi ayni muddao. «La Liga» bahslarida shunday kuchli klubning borligi biz uchun doimiy hushyorlikni talab etadi.
Visente Del Boske
Bu yigitlar «El-Klassiko»da qaqshatqich kurash olib borishlari mumkin, lekin maydondan tashqarida ular do‘st. Terma jamoada esa bir bayroq ostida yelkama-elka turib jang qiladigan haqiqiy jangchilar.
Deko
«Bu Ispaniya klassikosi emas, balki bu butun dunyo klassikosi. Uni hamma ko‘rishni xohlaydi. Sababi, bu uchrashuvlar huddi CHL finalidek hayajonli o‘tadi. Seni 110 ming muxlis olqishlab turgan chog‘da orqaga yo‘l yo‘q ekanligini ich-ichingdan sezasan va g‘alaba uchun harakat qila boshlaysan…»
Stiv Makmanaman
«Kuchli qarama-qarshilik. Biz Kataloniyaga borganimizda bizni qurolli kuchlar himoya qilardi. To‘g‘risi, tezroq o‘yin tugab, ortga qaytish haqida o‘ylardim…»
Fernando Yerro
«Sizni yomon ko‘radigan 100 ming muxlislar qurshovida o‘ynash juda ham og‘ir. Kataloniyadagi o‘yindan so‘ng, bizdagi hayajon ikki kungacha bosilmasdi…»
Kristiyano Ronaldo
«Bu buyuk to‘qnashuv. Bu uchrashuvda men yoki Messi ishtirok etmasada, bu o‘yin buyukligini zarracha yo‘qotmaydi. Bu uchrashuv bizdan oldin ham buyuk edi, bizdan keyin ham shundayligicha qoladi.»
David Bekham
“«Barselona» kuchli jamoa, ayniqsa, o‘z uyida qanday o‘ynashni biladi. Ular bizga qarshi ikki hissa kuch bilan harakat qilishardi. To‘g‘risi, ularga qarshi kechgan birorta oson o‘yinni eslay olmayman ”
