“Фламенго” клубининг машғулотлар марказида ёнғин юзага келди.

Ушбу ёнғин тонгда чамаси соат 5:10да (маҳаллий вақт билан) бошланиб, соат 7:20да ўчирилди. Ёнғин келиб чиқиш сабаблари ўрганиб чиқилмоқда.

Ушбу офат натижасида 10 киши ҳалок бўлган ва яна уч нафар инсон турли хил тан жароҳатлари билан шифихонага етказилган, деб хабар беради Globoesporte.

Ушбу марказда 14 ёшдан 17 ёшгача бўлган ўсмирлар бўлишган. Махаллий футболчилар уйларига кетишган  шаҳар ташқарисида яшайдиган футболчилар эса тунаб қолишга қарор қилишган.

Маълумот ўрнида, ҳозирда "Реал"да ўйнаётган яримҳимоячи Винисиус Жуниор "Фламенго" тарбияланувчиси ҳисобланади.